"إزاي حشرة 2 مم تدمر موسم كامل؟! السر اسمه مَن الخوخ 👀"

العـدو الـذى لا يطـرق البـاب ... بل يسكـن فى التجاعيـد . 🍃

فى وقت م انت تتابع نمو اوراق الخوخ ومنتظر الموسم الجديد ، فى اعداء صامتين ومهندسين ف التخريب يسكن فى تجاعيد الاوراق " مَن الخوخ " يمتص طاقة الشجرة .🪲 

لو بدأت الورقة فى التجاعيد اعرف ان الحرب بدأت والعدو اصبح جوة أرضك .

هل انت مستعد تطهر أرضك من الاعداء الصامتين ؟ 🧑🏼‍🌾 

 هنتكلم النهاردة مع بعض عن حشرة خطيرة جدا " مَن الخوخ " . 🎤 

1️⃣ الوصف العام للحشرة .🪲 

1. حشرة صغيرة الحجم ( ١.٥- ٢ ) مم . 

2. لونها اخضر فاتح الى الأصفر .

3. حشرة ثاقبة ماصة . 

2️⃣ دورة حياة الحشرة. 🔃

1. يتم وضع البيض فى الشتاء على براعم اشجار الخوخ . 🍑

2. فى الربيع وعند درجة حرارة (٢٠-٢٥م°) تفقس البيض لتعطى انثى عديمة الأجنحة. 🐛

3. تتوالد من غير تلقيح وتلد حوالى ٤٠ يرقة ثم يصبح منها حشرة ذات أجنحه او بدون أجنحه برضه . 🐞

4. الحشرات ذات الاجنحه تتكاثر فى شهر أكتوبر فتلد اليرقات عند نهاية الخريف فى قاعدة البراعم وتعيد الكرَّة من تانى. 🤦🏼🔃

3️⃣ الأعراض . 

1. انكماش والتفاف الاوراق .🍀 

2. تفرز الهباب الاسود او الندوة العسلية وظهور الفاموجين على الاوراق . ☘️

3. بسبب ان المَن بينقل فيروسات كتيرة ف ده بيسبب ظهور بقع على شكل حلقة على الثمار مع ظهور طعم حامضى وسرعة تساقط الثمار .🍑 

4️⃣ الأضرار . 

1. بسبب الندوة العسلية تعمل على جذب النمل الذى يقوم بحماية الحشرة من الاعداء الطبيعية . 🐛

2. نقل الفيروسات وتشوة الثمار . 

3. ضعف عام فى نمو النبات. 

4. قلة الانتاج . 

5️⃣ المكافحة .🧑🏼‍🌾

1. ازالة الحشائش لانها عائل بديل ومهم جدا . 

2. نقلل تسميد ازوتى لانه بيزود الاصابه . 

3. نستخدم اعداء طبيعية زى اسد المَن والدعسوقة . 🐞 

4. لو الاصابه خفيفة نستخدم مواد فعاله زى ( اسيتامبريد - إميداكلوبريد ) .

5. لو الإصابة شديدة هنستخدم مواد فعاله زى ( بيريمكارب - فلونيكاميد - سبيروتيترامات ) . 

🚫 الرش ورقى كويس جدا وكمان نغطى السطح السفلى للورقة لانه بيعيش هنا . 

▪️ نغير بقا على المواد الفعاله ونبدل لان المَن ال من النوع ده سريع المقاومة جدا . 

🔚 ختاماََ :-

أخطر ما فى الحشرة ده مش بس شوية ورق بيقعوا وخلاص ، ده عبارة عن إبرة ملوثة للطبيعة تنقل اكثر من ١٠٠ نوع من الفيروسات فى لدغة واحده. 🧫 

وزى م قولتلك خسارتكَ مش فى شوية ورق بس لكن فى موسم كامل بسبب فيروس انت مش شايفه . 

🤌🏼 استنى عليا شوية عارف ان طولت عليك . 

▪️ قولى بس ف كومنت ايه الفرق كده م بين المَن الاخضر العادى ومَن الخوخ ؟ 

▪️ وكمان أي هو الفاموجين وايه ضررة على الورق. 🍃 ؟ 

دمتم بخير .... سلام 👋🏼

متنساش الفولو 🫵🏻